Рубрика: Ճամփորդ

Այսօր հանդիպում ունեցանք  արշավային զբոսավար, յոգայի ուսուցիչ Ապրես Զոհրաբյանի հետ։ Ապրես Զոհրաբյանը ներկայացրեց իր ուսումնական ճամփորդությունը Իրան։ Խոսեցինք Իրանի կրոնի, մշակույթի և մարդկանց մասին։ Պարոն Զոհրաբյանը ներկայացրեց ճամփորդության խնդիրների և դժվարությունների մասին։ Հանդիպում-քննարկումը բավականին հետաքրքիր էր և ուսումնալից։

Մեր ռազմամարզական, ուրախ և հագեցած ճամփորդությունը սկսվեց Սմբատաբերդի բարձունքը հաղթահարելուց։

Սմբատաբերդը Վայոց ձորի մեծ ու անառիկ ամրոցներից մեկն է, որ հիմնադրվել է վաղ միջնադարում: Այն մինչև 7-րդ դարի առաջին քառորդը պատկանել է Սյունյաց գահերեց իշխաններին, այնուհետև 10-րդ դարում անցել է Բագրատունիներին, իսկ 13-րդ դարում` Օրբելյան իշխաններին և մինչև 15-րդ դարը եղել է նրանց տոհմական սեփականությունը:

Հետո կատարեցինք ռազմամարզական պարապմունք։ Սովորեցինք ինչպես պետք է կրակել և մի քանի ռազմական հնարքներ։

Մայրամուտը Արատեսում հիանալի էր՝

Երկրորդ օր

Օրը սկսեցինք նախավարժանքով։

Իսկ հետո շտապեցինք ռազմամարզական պարապմունի, որը անցավ շատ ուրախ և բովանդակալից։

Հետո այցելեցինք Խաչոց ձոր՝

Օր երրորդ

Օրը սկսեցինք նախավարժանքով՝

հաջորդեց ռազմամարզական պարապմունքը՝

Արդեն ժամանակն էր Արատեսը լքելու։

Բայց դեռ կան մի քանի հետաքրքիր կանգառներ։

Եղեգիս՝ քայլք դեպի Զորաց վանք

Եկեղեցին գտնվում է Եղեգիս գյուղի արևելյան կողմում: Կառուցել է Սյունաց Տարսայիճ Օրբելյան իշխանի թոռ, Սյունյաց մետրոպոլիտ Ստեփանոս-Տարսայիճը:

Սելիմի լեռնանց՝ Քարավանատուն

Սելիմի քարավանատունը գտնվում է Սելիմի լեռնանցքի ամենաբարձր մասից 100մ ներքև՝ փոքր հարթության վրա։ Այն ունի 3 դահլիճ , գլխավոր կանաչապատ մուտքի վրա պարսկերենով՝ արաբական տառերով կա 1332թ. Սյունյաց իշխանաց իշխան Սմբատի որդու՝ Չեսարի արձանագրությունը՝ քարավանատան կառուցման մասին։ Քարավանատան երկարությունը 35,5մ է։ Կառույցը պատկանում է բազիլիկաձև տիպին, շքամուտքը հայ միջնադարյան նոր ճարտարապետական ոճի նմուշներից է, որը այդ ժամանակ ձևավորվում էր քաղաքներում։
Այդ տարիներին ակտիվ էր առևտուրը Արևմուտքի և Արևելքի միջև։

Վերին Գետաշեն՝ Կոթի եկեղեցի

Գտնվում է ՀՀ Մարտունու տարածաշրջանի Ներքին Գետաշեն գյուղի արևմտյան քարափին:
Եկեղեցին կառուցել է Գեղարքունիքի տեր, Վասակ Գաբուռ իշխանի և Մարիամ Բագրատունու որդի Գրիգոր Սուփան II-ը, 851-901 թվականներին:

Եվ մեր վերջին կանգառը՝ Հայրավանք

Հայրավանքի Սուրբ Ստեփանոս եկեղեցին կառուցվել է 9-րդ դարում, ունի քառակոնք կենտրոնագմբեթ հորինվածք և համարվում է հայկական ճարտարապետության եզակի նմուշներից, կառուցված է բազալտից, իսկ կամարները, ութանիստ թմբուկով գմբեթը՝ սրբատաշ տուֆից։

Այսքանն էր մեր ռազմամարզական ճամբարը Արատեսում։

Այսօր միջին դպրոցի ճամփորդասերներով այցելեցինք Ոսկեվազի Գինու Գործարան։ Իրականում շատ վաղուց էի ցանկանում այցելել, բայց չէր ստացվում։ Գործարանը Արագածոտնի մարզի պատմամշակութային արժեքներից է։ Գործարանում պատրատվում և հնեցվում է շուրջ 17 տեսակ սպիտակ և կարմիր գինի։ Գինին պատրաստվում է հայաստանի տարբեր տարածաշրջաններից բերված խաղողից, շուտով նաև գործարանի սեփական այգիների խաղողից։ Գործարանի ներսում գտնվող թանգարանում ներկայացված էին նաև տարբեր գինեգործական գործիքներ որոնք գտնվել էին գործարանի տարածից։
ՏԵՂԵԿՈՒԹՅՈՒՆ
Ֆոտոշարք՝

Ոսկեվազի գինու գործարան, Հայաստանի գինու արտադրության հնագույն ձեռնարկություններից մեկը։ Գինու գործարանը բացվել է 1932 թվականին Ոսկեվազում, Արագած լեռան նախալեռներում բերրի խաղողի մշակման համար։

Ոսկեվազ գյուղը գտնվում է Քասաղ գետի գեղատեսիլ կիրճի եզրին։ Շրջանն ունի գինու պատրաստման հնագույն պատմություն։ Բազմաթիվ կարասներ հայտնաբերվել են մոտակա Սուրբ Հովհաննես եկեղեցում, որը թվագրվում է 7-րդ դարով։

Գինու գործարանը հիմնադրվել է 1932 թվականին, բայց գործարանի վերածնունդը սկսվել է 2004 թվականին, երբ ռուսաստանցի գործարար Դավիթ Հովհաննիսյանը տեղափոխվեց Հայաստան և հիմնադրեց «Ոսկեվազի Գինու Գործարան, ՍՊԸ»։ Գինիները արտադրվում են միայն խաղողի տեղական սորտերից, իսկ հնեցումը կատարվում է հայկական կաղնու տակառներում։

Այսօր ճամփորդեցինք Ազատի ջրամբար։

Որը կարելի է նաև համարել բարձունքի հաղթահարում։ Լճին մոտենալը այդքան էլ հեշտ չէր բայց ցանկության դեպքում ամեն ինչ հնարավոր է։ Լիճը ուղակի հրաշք էր, ճիշտ է որոշ հատվածներ պատվել էին կապտականաչ ջրիմուռներով, բայց չափազանց գեղեցիկ էր։

Ուղակի հիանալի էր։

Իրինա Ռոդինայի անվան գեղասահքի մարզադպրոց

Դեպի սևաբերդ

Գինին և քիմիան

Ճամփորդություն դեպի ջրվեժի անտառապարկ

Ձմեռային ճամբարի առաջին օրվա ամփափում

Հետաքրքիր փորձեր

Ձմեռային ճամբարի չորրորդ օրվա ամփոփում

Տեղեկություններ սևաբերդի մասին

Տեղեկություններ ջրվեժի անտառապարկի մասին

Այս անգամ ձեզ կպատմեմ Գյումրի կատարած մեր ճամփորդության մասին: Ճանապարհին կանգ առանք Արուճ գյուղում հանդիպեցինք այնտեղի միջնակարգ դպրոցի սովորողների հետ: Քանի որ այդ օրը հայ մեծանուն բանաստեղծ Հ.Թումանյանի ծննդյան օրն էր, միասին ընթերցեցինք նրա սեղծագործություններից: Այնուհետև շարունակեցինք ճանապարհը դեպի գյումրի:
Գյումրին հայաստանի երկրորդ քաղաքն է, գտնվում է հյուսիսարևմտյան մասում՝ Շիրակի մարզում, Ախուրյան գետի ձախ ափին, Երևանից 126 կմ հեռավորության վրա։ Նախքան Գյումրի կոչվելը, քաղաքն ունեցել է հեևյալ անվանումները՝ Կումայրի, Գյումրի, Ալեքսանդրապոլ, Լենինական:
Մեր եռօրյա այցի ընթացքում եղանք Գյումրու տարբեր եկեղեցիներում, վանքերում, բերդերում՝

Շրջեցինք Վարպետանց փողոցով այցելեցինք Ղազարոս Աղայանի տուն թանգարան՝

Անցավ շատ հետաքրքիր: Ահա իմ ֆոտոշարքը՝