Սույն թվականի մայիսի 29-ին «Մխիթար Սեբաստացի» կրթահամալիրի ավագ-դպրոց վարժարանի ընթերցասրահում տեղի ունեցավ բանավեճ «Ծնողական վերահսկո՞ւմ, թե՞ ծնողական խստապահանջություն» թեմայով, մասնակցում էին հետաքրքրված ճամբարականներ և ուսուցիչներ։
Սկզբում վերհիշեցինք արդյունավետ բանավեճի կանոնները, անյուհետև սահմանեցինք վերահսկում և խստապահանջություն երևույթները ։ Բանավեճը անցավ բավականին ակտիվ մթնոլորտում, քանի որ թեման արդիական էր հատկապես երիտասարդ սերնդի համար։ Երիտասարդները արտահայտեցին իրենց կարծիքները, քննարկեցինք հարցեր ինչպիսիք են՝
Ո՞րն է ավելի օգտակար երեխայի զարգացման համար՝ վերահսկո՞ւմը, թե՞ խստապահանջությունը։
Ի՞նչ վտանգներ կարող են լինել, երբ ծնողները չափազանց խիստ են։
Կարո՞ղ է խստապահանջությունը նպաստել երեխայի հաջողությանը ապագայում։
Եվ վերջում ամփոփելով կարող եմ ասել, որ նման բանավեճերը հինալի միջոց են հասարակության համար գրագետ անդամներ պատրաստելու համար, քանի որ նման միջոցառումները պատճառ են հանդիսանում սովորողների գրագետ և գիտակից կարծիք ձևավորելու հարցում։
Հատուկ շնորհակալություն նախաձեռնող Սոֆյա Այվազյանին։
Կարինե Դադոյանի Ուսումնական Բլոգ 