Գրականություն․Նախագիծ՝ Զահրատ․ Արևմտահայերենից արևելահայերեն թարգմանություն

Կարդալ՝ Զահրատ կենսագրություն 
Կարդալ՝ Զահրատ-բանաստեղծություններ

ԿԱՂԱՆԴԻ ԳԻՇԵՐ

Ամէն ինչ ծայրէն վերսկսելու,
Ի վերջոյ նորէն այսպէս ըլլալու
Տօնն է այս գիշեր —

Լոյսեր վառեցէք – եթէ չի բաւեր
Ձեզ տաքցնելու ձեր լոյսը ներքին —
Տօն է այս գիշեր —

Պահ մը ամէն ինչ վերջացնելու
Ամէն ինչ ծայրէն վերսկսելու
Տօնն է այս գիշեր —

Յոյսեր վառեցէք – եթէ չեն բաւեր
Ձեզ տաքցնելու ձեր յոյսերը հին —
Տօն է այս գիշեր —

Ի վերջոյ նորէն այսպէս մնալու
Քիչ մը աւելի յուսալքուելու
Տօնն է այս գիշեր —

Երգել փորձեցէք – եթէ չէք մոռցեր
Խանդոտ երգերը ձեր պարմանութեան —
Տօն է այս գիշեր —

Զուր տեղ վատնուած օրերն յիշելու —
Գոյութեան տխուր հաշուեկշիռին
Տօնն է այս գիշեր —

Լոյսեր ու յոյսեր վառեցէք գոյն գոյն —
Երգեր երգեցէք հինէն ու նորէն —
Տօն է այս գիշեր —

Գոյատեւելու տօնն է այս գիշեր

Արևելահայերեն՝

Կաղանդի գիշեր

Ամեն ինչ սկզբից վերսկսելու,
Ի վերջո կրկին այսպես լինելու՝
Տոնն է այս գիշեր։
Լույսեր վառեք՝ եթե չի բավականացնում
Ձեր ներքին լույսը ձեզ ջերմացնելու՝
Տոն է այս գիշեր։

Մեկ պահ ամեն ինչ վերջացնելու,
Ամեն ինչ սկզբից վերսկսելու՝
Տոնն է այս գիշեր։
Հույսեր վառեք՝ եթե չեն բավականացնում
Ձեր հին հույսերը ձեզ ջերմացնելու՝
Տոն է այս գիշեր։

Ի վերջո կրկին այսպես մնալու,
Մի քիչ ավելի հուսահատվելու՝
Տոնն է այս գիշեր։
Երգել փորձեք՝ եթե չեք մոռացել
Ձեր պատանեկության խանդավառ երգերը՝
Տոն է այս գիշեր։

Անօգուտ վատնած օրերն հիշելու՝
Կյանքի տխուր հաշվեկշռի
Տոնն է այս գիշեր։
Լույսեր ու հույսեր վառեք բազմագույն,
Երգեր երգեք հին ու նոր՝
Տոն է այս գիշեր։

Գոյատևելու տոնն է այս գիշեր։

Բանաստեղծության միջից գտիր և դո՛ւրս գրիր բարեմաղթանքը:

«Լույսեր ու հույսեր վառեցեք բազմագույն,
Երգեր երգեք հին ու նոր»

Այս տողերը հորդորում են մարդուն պահպանել հույսը, վառել լույսերն ու երգել, նույնիսկ դժվար պահերին։

Բացատրի՛ր Կաղանդ, Կաղանդ Պապա, չհատնել, անուշապուր  բառերը:

Կաղանդ բառը նշանակում է տարեմուտ։
Կաղանդ Պապան Նոր տարվա խորհրդանշական կերպարն է՝ հայ ավանդական տոնածիսական պատկերացումներում։ Նա նման է Սանտա Կլաուսին կամ Ձմեռ Պապիկին, բայց ունի հայեցի առանձնահատկություններ։ Հին ժամանակներում նա համարվել է բերքի ու առատության խորհրդանիշ, իսկ ավելի ուշ վերափոխվել է որպես նվերներ բերող և երեխաների ուրախությունը ապահովող կերպար։
Չհատնել նշանակում է չսպառվել
Անուշապուրը հայկական ավանդական աղանդերի տեսակ է, որը պատրաստվում է հիմնականում ցորենից, չրերից, մեղրից կամ շաքարից։ Այն հաճախ մատուցվում է Նոր տարուն կամ այլ տոնական առիթներով՝ որպես խորհրդանշական ուտեստ, որը կապված է քաղցր կյանքի, առատության ու օրհնության հետ։