Կարդալ՝ Ի՞նչ է կենդանաբանական այգին, ի՞նչ գործառույթներ ունի
Աշխարհի կենդանաբանական այգիները
Կենդանաբանական այգիների սկզբնաղբյուրը թագավորական գազանանոցներն են , որտեղ հավաքում էին էկզոտիկ կենդանիներ՝ թագավորների հարստությունն ու իշխանությունը ցուցադրելու համար։ Հնագույն գազանանոցներից մեկը հայտնաբերվել է Եգիպտոսում, Գիերակոնպոլիս քաղաքում, որտեղ Մ.թ.ա. 1500 թվականին պահվում էին հիպոպոտամներ, փղեր, բաբաուններ և այլ կենդանիներ։
Մ.թ.ա. 2-րդ դարում Չինաստանի կայսրուհի Տանկին հիմնել էր «Եղնիկի տուն» կոչվող կառույցը, որտեղ պահվում էին վայրի կենդանիների հազվագյուտ հավաքածուներ։ Նմանատիպ հավաքածուներ են ունեցել նաև Սողոմոն Իմաստունը, Ասորեստանի թագավոր Աշուրբանիպալը և Բաբելոնյան թագավոր Նաբուգոդոնոսորը։
Հունական քաղաքներում և Հռոմեական կայսրությունում նույնպես գոյություն ունեին գազանանոցներ։ Ալեքսանդր Մակեդոնացին, օրինակ, իր ռազմական արշավանքների ընթացքում հայտնաբերած կենդանիներին ուղարկում էր Հունաստան, իսկ Հռոմեական կայսրերը կենդանիներ պահում էին ուսումնասիրման կամ արենաների համար։
Եվրոպական կենդանաբանական այգիներ
Ժամանակակից կենդանաբանական այգիների առաջին օրինակները հայտնվել են Եվրոպայում՝ սկսած 18-րդ դարի կեսերից։ Առաջին կենդանաբանական այգին հիմնադրվել է 1752 թվականին՝ Վիեննայի Շյոնբրունի պալատի տարածքում։ Այն համարվում է աշխարհի ամենահին գործող կենդանաբանական այգին։ Նրանից հետո բացվել են Մադրիդի (1774), Փարիզի (1793), Լոնդոնի (1828), Ամստերդամի (1838) և Բեռլինի (1844) կենդանաբանական այգիները։
Այսօրվա առաջատար կենդանաբանական այգիները, ինչպիսիք են Բեռլինի, Նյու Յորքի, Լոնդոնի, Պրահայի և Ամստերդամի այգիները, ստեղծել են բնական միջավայրին առավել մոտ պայմաններ՝ կենդանիների ազատության սահմանափակումները նվազեցնելու համար։
Կարինե Դադոյանի Ուսումնական Բլոգ 