Ակնարկ— գրական ժանր, վավերագրական գրականության տեսակներից մեկը։
Ակնարկի հեղինակը պատմում է ոչ թե երևակայությամբ ստեղծված հերոսների ու գործողությունների, այլ իրականում գոյություն ունեցող մարդկանց և նրանց հետ կատարվող դեպքերի ու փաստերի մասին։
Աշուղ— կովկասյան ժողովուրդների գրականության մեջ ինքնուս ժողովրդական երգիչ-բանաստեղծ։
Կատակերգություն— թատերական ժանրերից մեկը, որի մեջ երգիծական միջոցներով ծաղրվում են հասարակական կյանքում, մարդկանց կենցաղում, բնավորության մեջ եղած բացասական գծերը։
Դրամա— գրական, դրամատիկական ժանրերից մեկը։
Դրաման պատկերում է կյանքի ավելի սովորական իրադրություններ, մարդկային առօրյա հարաբերություններ։
Էպիգրամ— երգիծական փոքրածավալ բանաստեղծություն, որի մեջ ծաղրվում են որևէ հասարակական երևույթի կամ անձնավորության բացասական գծերը։
Կարինե Դադոյանի Ուսումնական Բլոգ 